تفاصيل جوله على الحضانات في دولة الكويت

السلام عليكم
حبيت اسوي جوله من خلال معرفتي بالحضانات والي صارلي سنه وانا افتر من حضانه لي حضانه

اول شي عندكم حضانه ريبورن في جنوب السره بالزهراء
الله يسلمكم هذه الحضانه حلوه وااايد والكل يمدحها اول شي
أمن عند الباب .... ندخل داخل الحوش شرح وفي مكان يسوون فيه حفلات خارجيه للأطفال
وندخل داخل الاداره بعد شرحه ونظيفه وموظفة الاستقبال ذربه ولبقه وحبوبه ... وطبعا الي اييب عياله وياخذهم يدخل بالاستقبال وينطر المدرسه تاخذ الساهل او تعطيه اهله ... وبالاستقبال اكو شااااشه كبيييييره كامرة مراقبه على الاطفال في الصفوف وبكل مكان بالحضانه
ندخل داخل اول دور فيه صفوف الياهال من عمر 2 وطبعا الصفوف حلوه وكبيره راهيه يعني وفيها امكانيات حلوه وصفوف الياهال بعمر سنتين تطل على صالة الالعاب
اربع صفوف حق عمر سنتين وبينهم حماماتهم وعندهم حوض سباحه داخلي مع نظام تدفئه يهبل وطبعا دروس بالسباحه وعندهم رحلات خارجيه بعد
وعندهم حوض رمل والرمل طبي حلو وما يظر الاطفال
عندهم مكان اذا نام البيبي يخلونه ومطبخهم عوووووود حلووو وفي طاولات كبيره ملونه ومدوره ياكلون عليها لااطفال
مدرساتهم وحده بريطانيه وبحده ارمنيه والباجي افريقبات
عيوبها بنظري ....
اول مادشيت الصف كانت ريحته خاااايسه لا تطاق والالعاب مو نظيف
وعندهم حديقه العاب خارجيه ممتازه ومظلله
بشكل عام الكل يمدحها ويحبها وعندهم ضغط وما ياخذون اي طفل
رسومهم 1200 دينار كويتي بالسنه تدفعونهم على 4دفعات 300 دينار كل مره




الحضانه الانجليزيه العالميه
حضانه حلوه مدرساتها امريكيات كلهم ماعدا العربي والدين سوريات واردنيات
عندهم نظام حلو ان الطفل ينتقل من صف الي صف كل 45دقيقه يعني عندهم صف عربي صف انجليزي وصف رسم وصف المكتبه وعندهم شي حلو عندهم كلاس كومبيوتر يعلمون الياهال وين مكان الحرف على اكي بورد هذا بالنسبه للاطفال الي عنرهم 2 بس الاكبر يعلمونهم اكثر اشياء ... من ناحية النظافه حلووووه نظيفه ... حماماتهم وايد عشان ما يدشون طفلين مع بعض...
عندهم بري كي وكي جي 1 وكي جي2
بري كي الدور الارضي وكي جي 1 وكي جي 2بالادور الاول اما الدور الثاني والاخير عباه عن مسرح
وكل خميس يسوون لهم حفله ويستانوسووووون الياهال
بس عندهم كل شهر رحله وحده العيب الوحيد الي فيها ان مافيها حديقه خارجيه يعني حكررررررررررره
رسومها 1200 دينار اقساط حسب الاتفاق

حضانة فن فوركيدز بالنزهه
حلوه كلها خوش حضانه حديقتها كبيييييييييييييييييييييييييييييييييييييييره وداخليه يعني داخل السور مو بره
من داخل حلوه بس مبناها الخارجي قديم بس كماده قويه بالانجليزي والعربي 150 بالشهر المدرسات عرب وبدون
لو انا ما احط ولدي فيها

حضانه كدزي بالفيحا
مادري....... دشيت مره لقيت سايق واقف معطي ظهرى الباب وقاج ايدينه ويقول حق الياهال ماكو روه بره يلا روهي داخل
يعني لاااا تعليق

حضانة لتل لاند بالفيحا
هذي عاد حضانة سليمان ولدي حضانه حلوه وراااقيه وهدوووووووووووووووووووووووء ونظااااااام
نظامها بريطاني قوي
المدرسات كلهم برتش وكلهم كبار بالسن يعني بتحملون الاطفال وهادين وراقين بتعاملهم
عندهم صفوف وايد وكل صف ما يزيد عن 15 طفل وكل صف في مرستين وحده عربيه ووحده بريطانيه ومساعده وخدامه
مادري انا مرتاحه منهم
رحلاتهم حلوه وطريقتهم بالتعليم حلوه والتطبيق احلى
يعني سليمان توه كامل سنتين يعرف منهم اسماء الاشكال والالوان والاعداد لي رقم 5
حلو يعني انجاز
سعرهم 100دينار بالشهر و80 فتح ملف